تجربتي مع هواوي p30lite خلال فترة 10 أشهر ولا 11
النسخة لي عندي:
RAM 4GB
ROM 128GB
رح نبدا بحوايج سلبيين واجهوني و لي هوما:
كي نكون داير مكالمة بين 3 أشخاص (أنا الثالث) و نحط التيليفون نلقا المكالمة تكوبات بعد 5 دقايق ولا 10 و مرات تكمل عادي أما المكالمات العادية ما واجهت حتى انقطاع
بعد 8 أشهر وليت نشوف خيالات فالشاشة ( التطبيع) مع العلم هاذ المشكل يبان غير كي يكون التيليفون سخون ياسر و مبعد ترجع نورمال
خلال فترة(10 الشهر) مازال ما لاحظتش معاه مشاكل كبار كمستخدم عادي يتصفح مواقع التواصل و يتنقل بينها
الباتري: 3340mAh تبان صغيرة مقارنة بواش كاين حاليا فالسوق بصح حاجة هايلة، يعتمد عليها، بالزيادة على الشحن السريع 18W لي ما يخليكش تستنى بزاف باش تشارجي تيليفونك
الأداء : أداء فوق العادي بمعنى تقدر تعتمد عليه، كشخص يدخل يوتيوب، انستغرام، فيسبوك... ما راح تواجه حتى مشكل
اما الألعاب إذا كانت ألعاب خفيفة العب و نتا مرتاح حتى الألعاب الثقيلة يمشيهم عادي ، مش بأعلى كواليتي و بلا تقطيع بصح تقدر تلعب، شخصيا جربت فيه :
COD M
PUBG M
Forza street
Asphalt 9
PES 2020
كانت تجربة مش ذيك التجربة لي نقولو عليها وااو ووو بصح كامل هاذو تقدر تلعبهم
الكاميرات بصفة عامة رح يمدولك نتائج ملاح سوا الكامرا الرئيسية ولا كامرا الزاوية العريضة ولا الكامرا الأمامية
فالأخير تشري هذا التيليفون ولا ما تشريهش؟
قبل 10 أشهر: أشريه
حاليا: كاين أحسن منو بمراحل
و السلام عليكم
ليست هناك تعليقات:
إرسال تعليق